Marcus Rashford væri miklu betri leikmaður í dag ef hann væri leikmaður Manchester City frekar en Manchester United.

Þetta segir fyrrum enski landsliðsmaðurinn Joleon Lescott en Rashford hefur ekki átt gott tímabil í vetur.

Rashford fær ekki það frelsi sem hann þarf á Old Trafford að sögn Lescott en hann vinnur þar undir Erik ten Hag.

Lescott telur að Pep Guardiola sé stjóri sem myndi henta Rashford vel frekar en sá hollenski sem er talinn vera nokkuð valtur í sessi.

,,Ég held að hann sé eini leikmaður United sem gæti komist í lið City. Ef Pep Guardiola væri að þjálfara Rashford þá væri hann miklu betri leikmaður,“ sagði Lescott.

,,Ég er ekki bara að kenna Erik ten Hag um það en hann myndi skila miklu meira hjá City. Leikstíll City myndi gefa honum augnablik þar sem honum líður vel.“

,,Hversu oft fær hann tækifæri á að taka leikmann á einn gegn einum? Hversu oft fær Jeremy Doku að taka menn á einn gegn einum?“