Síðasta opinbera myndin af Franz Beckenbauer fyrir andlát hans var af honum og fjölskyldu sinni fyrir næstum sléttu ári síðan.
Það var greint frá því á mánudag að Beckenbauer hafi andast daginn áður, 78 ára gamall.
Síðasta opinbera myndin af Beckenbauer var af honum, eiginkonu hans Heidi og syni hans Joel fyrir fjölskyldukvöldverð þann 6. janúar í fyrra. Myndin er hér neðar.
Beckenbauer er einn besti knattspyrnumaður allra tíma. Hann hafði glímt við veikindi um nokkurt skeið. Keisarinn, eins og hann var alla jafn karlaður, átti magnaðan feril.
Hann lék yfir 100 landsleiki fyrir Vestur-Þýskaland, hann var í liðinu sem vann HM árið 1974 en hann vann einnig silfur og brons á mótinu.
Kappinn var lengst af leikmaður FC Bayern og varð fjórtán sinnum þýskur meistari og vann Meistaradeildina í þrígang.
Hann var kjörinn besti knattspyrnumaður í heimi árið 1972 og aftur fjórum árum seinna.
Beckenbauer hefur undanfarin ár haft mikið að segja um gang mála hjá FC Bayern og verið í stjórnunarstöðum hjá félaginu.
