Íslenska karlalandsliðið tapaði gegn Lúxemborg í undankeppni EM 2024 í kvöld.
Leikurinn byrjaði skelfilega fyrir Strákana okkar sem fengu á sig víti á 8. mínútu eftir klaufagang Harðar Björgvins Magnússonar og Rúnars Alex Rúnarssonar. Maxime Chanot fór á punktinn og skoraði.
Fyrri hálfleikur var skelfilegur hjá íslenska liðinu og ekki skánuðu hlutirnir mikið í þeim seinni.
Yvandro Borges Sanches tvöfaldaði forystu Lúxemborgar á 70. mínútu eftir slæm mistök Guðlaugar Victors Pálssonar.
Vont varð verra því skömmu síðar fékk Hörður Björgvin sitt annað gula spjald og þar með rautt.
Hákon Arnar Haraldsson minnkaði muninn fyrir Ísland á 88. mínútu leiksins og liðið fékk von á ný.
Sú von varð hins vegar úti strax í næstu sókn þegar Danel Sinani kom Lúxemborg í 3-1. Það urðu lokatölur.
Hér að neðan eru einkunnir leikmanna Íslands.
Rúnar Alex Rúnarsson – 3
Kannski ekki mikið við hann að sakast almennt en fær á sig klaufalegt víti þó það sé ekki alfarið hans sök.
Valgeir Lunddal Friðriksson – 4
Allt í lagi, ekki gott.
Guðlaugur Victor Pálsson – 3
Gerði afdrifarík mistök í öðru marki Lúxemborgar.
Hörður Björgvin Magnússon – 1
Gjörsamlega skelfilegur leikur hjá Herði. Átti risastóran þátt í því að Ísland fékk á sig víti í byrjun og fær svo rautt spjald í seinni hálfleik.
Kolbeinn Birgir Finnsson – 5
Sýndir fínar rispur inn á milli.
Hákon Arnar Haraldsson – 5
Kom ansi lítið úr honum lengst af en hann skorar mark sem hækkar einkunina aðeins.
Arnór Ingvi Traustason – 4
Það gekk illa að tengja saman spilkafla hjá okkar mönnum og auðvelt að spila í gegnum liðið á köflum.
Jóhann Berg Guðmundsson – 4
Kannski með skárri mönnum hjá íslenska liðinu í kvöld en ekki góður frekar en einhver annar.
Jón Dagur Þorsteinsson (78′) – 5
Sýndi karakter og baráttuvilja sem var fáséður á meðal íslenskra leikmanna í kvöld.
Sævar Atli Magnússon (46′) – 4
Náði ekki að setja mark sitt á leikinn.
Alfreð Finnbogason (78′) – 4
Hafði svosem úr litlu að moða.
Varamenn
Orri Steinn Óskarsson (46′) – 5
Fín innkoma.
Aðrir spiluðu of lítið til að fá einkunn
