Neil Warnock hefur engan áhuga á að leggja þjálfarabókina á hilluna þrátt fyrir að vera orðinn 74 ára gamall.

Warnock er að yfirgefa lið Huddersfield en hann mun stýra sínum síðasta leik hjá félaginu á miðvikudag.

Þrátt fyrir aldurinn er Warnock spenntur fyrir næstu áskorun og útilokar ekki að skella sér til Sádí Arabíu sem er afar vinsælt í dag.

,,Ég hef örugglega átt fleiri endurkomur en Frank Sinatra en ef Rolling Stones og Paul McCartney eru enn að á áttræðisaldri þá ég ég nokkur ár eftir,“ sagði Warnock.

,,Ég ætla ekki að hætta. Ég hef séð eitthvað tal um að ég sé að hætta vegna heilsunnar en mér hefur ekki liðið eins vel í mörg ár.“

,,Hver veit? Kannski fær ég boð upp á fimm milljónir punda til að þjálfa í Sádí Arabíu, þú lifir fyrir daginn í dag því þú veist ekki hvað framtíðin ber í skauti sér.“