James Rodriguez hefur ekki sungið sitt síðasta í boltanum og leitar sér að nýju liði í Evrópu.
Hinn 31 árs gamli Rodriguez er samningslaus, en hann var síðast á mála hjá Olympiacos.
Kólumbíumaðurinn hefur auðvitað leikið með liðum á borð við Real Madrid, Bayern Munchen og Monaco.
„Mig langar að vera áfram í Evrópu,“ sagði hann í nýju viðtali.
Rodriguez var hjá Everton en stoppaði stutt við í Katar áður en hann hélt til Olympiacos.
„Mig langar að spila á þriggja daga fresti því mér líður mjög vel líkamlega.“
