Rebecca Loos, konan sem David Beckham hélt framhjá Victoriu með, hefur mikið verið í umræðunni frá því heimildaþættir um knattspyrnugoðsögnina komu út. Hún ræddi við morgunþátt ITV í Bretlandi í dag.

David á að hafa haldið framhjá með Loos eftir að hann gekk í raðir Real Madrid frá Manchester United 2003. Hún var aðstoðarkona hans en Victoria og börn þeirra David fluttu ekki út til Madrídar frá Manchester fyrst um sinn.

Loos opnaði sig upp á gátt í viðtali við Daily Mail á dögunum og ræddi málið í sjónvarpinu í morgun.

Meira 
Hjákona Beckham hjólar í hann eftir útgáfu þáttanna – Opinberar hvað hann gerði sem varð til þess að hún sagði frá öllu

„Ég myndi vilja sleppa því að ræða þetta aftur. Þessi kafli í mínu lífi er að baki og ég hef haldið áfram. En þegar þættirnir komu út átti ég mjög erfitt með að segja ekkert því frásögn hans er villandi og lætur mig líta út eins og slæma manneskju,“ sagði Loos.

„Auðvitað er líka við mig að sakast en það þarf tvo til. Hann sagði að ásakanirnar væru fáránlegar en það er ekki að neita því.“

Loos segir þá að þættirnir og umfjöllunin um framhjáhaldið þar hafi haft slæmar afleiðingar fyrir hana sjálfa.

„Ég vaknaði við skelfileg skilaboð á Instagram. Ég hef aldrei áður upplifað það því fyrir 20 árum voru engir samfélagsmiðlar.“

Meira
Hjákona Beckham varpar fleiri sprengjum – Segir frá kvöldinu sem þau stunduðu kynlíf og hvað Beckham sagði við hana í hita leiksins