Eiginkona Harry Kane, Katie Goodland, virðist vera að staðfesta það að leikmaðurinn sé á leið til Þýskalands.

Bild í Þýskalandi greinir frá þessu en Goodlans sást víst í Munich og var þar að skoða eignir í borginni.

Kane hefur verið sterklega orðaður við Bayern en hann er samningsbundinn Tottenham í dag.

Kane á aðeins ár eftir af samningi sínum við Tottenham og neitar að skrifa undir framlengingu við félagið.

Bild segir að Goodland hafi sést í borginni og var þar að skoða mögulegt nýtt heimili fyrir Kane-fjölskylduna.

Al-Hilal í Sádí Arabíu er einnig nefnt til sögunnar en ólíklegt er að Kane vilji færa sig þangað að svo stöddu.