Það kom aldrei til greina fyrir Frenkie de Jong að yfirgefa Barcelona fyrir Manchester United í sumar.
De Jong var sterklega orðaður við Man Utd í sumarglugganum og bjuggust margir við að hann myndi enda á Old Trafford.
Það var þó aldrei vilji hollenska landsliðsmannsins að kveðja Börsunga og tók hann ákvörðun um framtíðina strax í maí.
,,Ég var búinn að ákveða það í maí að ég yrði áfram hjá Barcelona,“ sagði De Jong í samtali við NOS.
,,Ég var alltaf mjög rólegur. Ég finn fyrir ást hjá félaginu og ekkert hefur breyst á milli mín og liðsfélagana.“
