Arnar Gunnlaugsson hefur skrifað undir nýjan samning við Víking Reykjavík. Gildir samningurinn til ársins 2025. Þetta var staðfest á fréttamannafundi í Víkinni nú rétt í þessu.
Arnar segir í viðtali við 433.is að samningur hans við Víking sé óuppsegjanlegur.
Arnar kom tók fyrst við Víkingi haustið 2018. Hann hefur náð frábærum árangri með liðið.
Á tíma sínum í Fossvogi hefur Arnar tvisvar sinnum orðið bikarmeistari og einu sinni Íslandsmeistari, á síðustu leiktíð. Nánar má lesa um tíð hans hjá félaginu hér.
Fyrri samningur Arnars átti að renna út eftir næstu leiktíð. Nýr samningur heldur Arnari þó í Víkinni tveimur árum lengur, hið minnsta.
Sem stendur er Víkingur í þriðja sæti Bestu deildar karla. Liðið er með 35 stig, tíu stigum á eftir Breiðabliki en á leik til góða. Deildinni verður skipt upp í tvo hluta, efri og neðri, að 22 umferðum leiknum.
Þá eru Víkingar komnir í undanúrslit Mjólkurbikarsins, þar sem liðið mætir Breiðabliki annað kvöld.