Eric Bailly og Andreas Pereira eru þeir leikmenn sem eru efstir á sölulista Manchester United í sumar.
Man Utd hefur losnað við þónokkra leikmenn hingað til og má nefna Jesse Lingard, Paul Pogba, Juan Mata og Nemanja Matic.
Erik ten Hag hefur skrifað undir samning við enska félagið og mun hann þjálfa liðið á komandi tímabili.
Samkvæmt enskum miðlum er Man Utd enn að reyna að þynna hópinn áður en bætt er við og eru þessir tveir leikmenn á útleið.
Bailly er 28 ára gamall miðvörður sem hefur spilað í Manchester frá árinu 2016 en aldrei náð að festa sig almennilega í sessi.
Pereira er sóknarsinnaður miðjumaður en hann var lánaður til Flamengo á síðustu leiktíð og stóð sig virkilega vel.
