Florian Wirtz hefur skrifað undir nýjan samning við Bayer Leverkusen og er nú samningsbundinn til ársins 2026.

Þetta staðfesti þýska félagið í gær en Wirtz er einn efnilegasti leikmaður Evrópu og vakið gríðarlega athygli.

Um er að ræða 19 ára gamlan leikmann fæddan árið 2003 en hann á að baki 60 leiki í deild fyrir Leverkusen og hefur skorað þar 13 mörk.

Liverpool, Bayern Munchen, Real Madrid og Juventus eru á meðal liða sem vildu fá Wirtz sem hefur nú krotað undir framlengingu.

Wirtz á að baki fjóra landsleiki fyrir Þýskaland en hann er í dag að jafna sig eftir að hafa slitið krossband á síðasta tímabili.

Talið er að það sé ástæðan fyrir framlengingunni en möguleiki er á að Wirtz spili ekki leik fyrr en árið 2023.