Jón Guðni Fjóluson gæti verið á heimleið og að skrifa undir samning við Víking Reykjavík í efstu deild.

Guðmundur Benediktsson greinir frá þessi í þættinum Stúkan á Stöð 2 Sport en Jón Guðni er í dag á mála hjá Hammarby.

Varnarmaðurinn er 33 ára gamall og samdi við Hammarby árið 2021 eftir stutt stopp hjá Brann.

Hann er þekktastur fyrir tíma sinn hjá GIF Sundsvall og Norrköping í Svíþjóð en hann hélt erlendis árið 2011.

Jón Guðni á aðeins að baki leiki fyrir Fram hér heima og hefur einnig spilað 18 landsleiki fyrir Ísland.

Gummi Ben greindi frá því að samkvæmt öruggum heimildum þá væri Jón Guðni á heimleið og myndi leika með Víkingum næsta sumar.