Átta leikir hafa farið fram í þriðju umferð ensku bikarkeppninnar það sem af er degi.
Liverpool vann 4-1 sigur á Shrewsbury eftir að hafa lent undir á 27. mínútu þegar Daniel Udoh skoraði. Kaide Gordon jafnaði fyrir Liverpool á 34. mínútu áður en Fabinho kom þeim yfir með marki af vítapuntkinum tíu mínútum síðar. Roberto Firmino bætti við þriðja marki heimamanna á 78. mínútu. Fabinho gerði svo sitt annað mark í uppbótartíma.
Tottenham vann Morecambe 3-1 þrátt fyrir að hafa lent í erfiðleikum. C-deildarliðið leiddi allt þar til á 74. mínútu með marki frá Anthony Connor eftir rúman hálftíma leik. Harry Winks jafnaði fyrir Tottenham og á 85. mínútu kom Lucas Moura þeim yfir. Harry Kane innsiglaði 3-1 sigur í uppbótartíma.
West Ham tók á móti Leeds í úrvalsdeildarslag. Heimamenn unnu 2-0 sigur með mörkum frá Manuel Lanzini og Jarrod Bowen í sitt hvorum hálfleiknum.
Wolves vann þá öruggan 3-0 heimasigur á Sheffield United. Daniel Podence skoraði eina mark fyrri hálfleiks á 14. mínútu. Nelson Semedo tvöfaldaði forystuna á 72. mínútu áður en Podence skoraði aftur.
Norwich er komið áfram eftir 0-1 sigur á Charlton. Milot Rashica skoraði markið á 80. mínútu.
Öll úrslit dagsins
Liverpool 4-1 Shrewsbury
Tottenham 3-1 Morecambe
West Ham 2-0 Leeds
Wolves 3-0 Sheffield United
Charlton 0-1 Norwich
Luton 4-0 Harrogate
Stoke 2-0 Leyton Orient
Cardiff 1-1 Preston (Cardiff sigraði 2-1 eftir framlengingu)
