Nokkrir svartir sauðir úr hópi stuðningsmanna Shrewsbury settu svartan blett á leik liðsins gegn Liverpool í gær í enska bikarnum.
Liverpool vann 4-1 sigur á Shrewsbury eftir að hafa lent undir á 27. mínútu þegar Daniel Udoh skoraði. Kaide Gordon jafnaði fyrir Liverpool á 34. mínútu áður en Fabinho kom þeim yfir með marki af vítapuntkinum tíu mínútum síðar. Roberto Firmino bætti við þriðja marki heimamanna á 78. mínútu. Fabinho gerði svo sitt annað mark í uppbótartíma.
Shrewsbury fans singing “Fuck the 96” today in town the horrid rats 😡 pic.twitter.com/zvGnFosPiN
— JurgensReds (@_JurgensReds) January 9, 2022
Fyrir leik sungu nokkrir stuðningsmenn Shrewsbury um 96 stuðningsmenn Liverpool sem létu lífið á Hillsborough vellinum árið 1989. Er málið litið mjög alvarlegum augum.
Harry Burgoyne markvörður Shrewsbury er verulega ósáttur með stuðningsmenn liðsins. „Þið ættuð að skammast ykkar. Liverpool sýndi okkur bara virðingu. Þetta er algjört áfall, finnið þá og setjið í bann til lífstíðar,“ sagði Harry.
