Manchester United virðist hafa áhuga á Matheus Cunha, sóknarmanni Atletico Madrid.

Breski miðillinn Daily Mail segir að United sé að undirbúa tilboð á meðan talkSPORT segir leikmanninn nálgast Old Trafford.

Cunha er 23 ára gamall og kemur frá Brasilíu. Hann skoraði sex mörk í 29 leikjum í La Liga á síðustu leiktíð.

Samkvæmt talkSPORT mun United greiða 50 milljónir evra fyrir þjónustu leikmannsins.

Það er allt í rugli hjá United. Liðið hefur tapað fyrstu tveimur leikum sínum, 1-2 og 4-0, gegn Brighton og Brentford.

Framtíð Cristiano Ronaldo er í mikilli óvissu og gæti félagið því reynt að krækja í annan mann í sóknina.

Cunha gekk í raðir Atletico fyrir síðustu leiktíð. Hann var þar áður á mála hjá Hertha Berlin og RB Leipzig í Þýskalandi.