Jack Wilshere gæti verið á leiðinni aftur til Arsenal ef marka má frétt the Daily Star í dag.
Wilshere var á sínum tíma ein af vonarstjörnum Arsenal og lék einnig fyrir England en meiðsli settu stórt strik í hans reikning.
Wilshere var síðast á mála hjá AaB í Danmörku en sá samningur er runninn út þó það sé enn möguleiki á framlengingu.
Samkvæmt Star hefur Arsenal áhuga á því að fá Wilshere inn sem þjálfara og myndi hann vinna með unglingaliði liðsins.
Breytingar hafa átt sér stað í herbúðum Arsenal sem hefur misst bæði Kevin Betsy og Dan Micciche sem sáu um U23 og U18 lið liðsins.
Wilshere hefur sjálfur áhuga á því að þjálfa einn daginn en ekki er víst að hann sé reiðubúinn að leggja skóna á hilluna 30 ára gamall.
