Hakim Ziyech má yfirgefa lið Chelsea í sumar en frá þessu greinir blaðamaðurinn virti Fabrizio Romano.
Romano segir að hann hafi staðfestar heimildir fyrir því að Ziyech sé með grænt ljós að finna sér nýtt lið í sumar.
AC Milan hefur mikinn áhuga á Ziyech og eru viðræður á milli ítalska liðsins og umboðsmanna Ziyech byrjaðar.
Ziyech er einnig tilbúinn að ganga í raðir Milan samkvæmt Romano og munu viðræðurnar halda áfram næstu daga.
Ziyech er 29 ára gamall en hann hefur ekki alveg náð sér á strik síðan hann kom til Chelsea frá Ajax fyrir tveimur árum.
