Takumi Minamino hefur náð samkomulagi við Monaco um að ganga í raðir félagsins frá Liverpool.

Það var stjóri Monaco, Philippe Clement, sem staðfesti þessar fregnir en hann ræddi við RMC í gær.

,,Ég er mjög ánægður, ég hef þekkt hann í langan tíma. Hann var mjög ofarlega á okkar lista,“ sagði Clement.

,,Allir hér eru sannfærðir um að hann sé með gæðin til að bæta okkar leikmannahóp. Hann er með mikla reynslu og gerði mjög vel hjá Salzburg.“

Minamino gekk í raðir Liverpool frtá Salzburg árið 2020 en spilaði alls 30 deildarleiki og skoraði fjögur mörk.

Þessi 27 ára gamli Japani fékk grænt ljós á að fara í sumar og mun nú reyna fyrir sér í frönsku deildinni.