Barcelona hefur lagt fram annað tilboð í framherjann Robert Lewandowski hjá Bayern Munchen. Guardian segir frá.
Nýja tilboðið hljóðar upp á 35 milljónir evra auk 5 milljóna evra sem verða greiddar síðar meir.
Það er þó talið líklegt að Bayern hafni tilboðinu þar sem félagið vill 50 milljónir evra fyrir Pólverjann.
Lewandowski vill ólmur komast frá Bayern Munchen. Hann hefur undanfarið verið í stríði við félagið.
Barcelona er hans fyrsti kostur sem nýr áfangastaður.
Lewandowski hefur verið á mála hjá Bayern í átta ár og raðað inn mörkum fyrir félagið. Þar áður var hann hjá Dortmund.
