Vængmaðurinn Antony hjá Ajax vill ólmur ganga til liðs við Manchester United ef marka má frétt Goal.
Antony lék undir stjórn Erik ten Hag, nýs stjóra Man Utd, hjá Ajax og vill vinna með honum áfram.
Ten Hag er að vinna í því að byggja upp nýtt lið á Old Trafford.
Antony hefur verið á mála hjá Ajax frá árinu 2020. Hann skoraði átta mörk og lagði upp fjögur í 23 leikjum í hollensku úrvalsdeildinni á síðustu leiktíð.
Man Utd hefur spurst fyrir um leikmanninn en hefur ekki lagt formlegt tilboð á borð Ajax.
Þá á Antony að baki sex A-landsleiki fyrir hönd Brasilíu.
