Sigurður Víðisson verður nýr þjálfari KV í Lengjudeild karla samkvæmt heimildum Þungavigtarinnar.
Hann tekur við liðinu af Sigurvini Ólafssyni. Sá er að fara að taka við sem aðstoðarmaður Eiðs Smára Guðjohnsen hjá FH.
Sigurður hefur stýrt liðum á borð við Fjölni og HK/Víkings í kvennaflokki og verið aðstoðarþjálfari hjá karlaliði Breiðabliks. Þá stýrði hann Blikum um stutt skeið eftir brottrekstur Arnars Grétarssonar á sínum tíma.
KV er í ellefta sæti deildarinnar með þrjú stig.
