„Sama hver fer frá Liverpool, með þessa stuðningsmenn, mun sakna þeirra því þetta eru bestu stuðningsmenn í heimi,“ sagði Sadio Mane. Það er nú staðfest að hann er farinn frá Liverpool til Bayern Munchen, þar sem hann skrifaði undir samning til ársins 2025.
„Ég elska ykkur,“ sagði Mane við stuðningsmenn Liverpool. „Ég naut þess að spila hér. Að spila á Anfield gefur manni svo mikinn kraft vegna stuðningsmannanna.“
Mane mun heimsækja Liverpool fljótlega. „Ég á húsið mitt í Liverpool áfram svo ég kem aftur. Ég kem aftur og heilsa og horfi á Liverpool spila.“
Þá mun Senegalinn áfram styðja Liverpool þrátt fyrir að vera kominn í annað félag.
„Ég verð helsti stuðningsmaður Liverpool.“
