Rebekah Vardy eiginkona Jamie Vardy er með bakið upp við vegg í réttarhöldum sem nú eru í gangi. Eiginkonur leikmanna enska landsliðsins saka hana um að hafa látið ljósmyndara vita hvar þær væru. Verjandi Rooney sótti hart að Rebekuh Vardy í dag, sakaði hana meðal annars um lygar og lagði fyrir hana nokkur mál sem hann vill meina að Vardy tengist beint en hún þverneitar.
Málið tengist inn í enska boltann en Jamie Vardy, framherji Leicester City er eiginmaður Rebekuh og Wayne Rooney, knattspyrnustjóri Derby County og fyrrum leikmaður Manchester United er eiginmaður Coleenar.
Coleen Rooney hefur áður sakað Vardy um að leka upplýsingum um einkalíf Rooney-fjölskyldunnar í fjölmiðilinn The Sun og upplegg verjanda Rooney í dag var að koma með fleiri sambærileg mál til sögunnar, mál sem hann segir tengjast því að Rebekah Vardy eða umboðsmaður hennar fyrir tilstilli Vardy, hafi lekið upplýsingum um til fjölmiðla gegn greiðslu.
Atvikið tengt eiginkonum leikmanna enska landsliðsins tengist Heimsmeistaramótinu í Rússlandi árið 2018.
Ljósmyndarar götublaða voru þá mættir til að mynda konurnar er þær fóru út að borða saman. Verjandi Rooney segir að Vardy ljúgi.
Rebekah segist ekki vita hvað gerðist þetta kvöld þar sem hún drakk talsvert af áfengi en í skilaboðum sem verjandi Rooney hefur segir.
„Við gætum verið að rölta af stað frá hótelinu á veitingastaðinn, það gæti verið góður tímapunktur fyrir mynd af okkur að labba,“ segir Vardy í skilaboðum til umboðsmanns síns.
Myndatakan er sögð hafa farið illa í margar konurnar sem vilja ekki vera í sviðsljósi fjölmiðla. Því er haldið fram að Vardy hafi þegið greiðslur fyrir að segja enskum blöðum frá hinu og þessu
