Arsenal hefur gengið í gegnum miklar breytingar í stjórnartíð Mikel Arteta. Arteta tók við sem þjálfari liðsins í desember 2019 og hefur losað sig við fjölmarga leikmenn síðan þá, þar á meðal Emi Martinez, Mesut Özil, Sokratis, Shokdran Mustafi, Henrikh Mhkitaryan, Joe Willock og Willian.

Þá hafa þeir Ben White, Takehiro Tomiyasu, Gabriel, Aaron Ramsdale, Sambi Lokonga, Thomas Partey og Martin Odegaard allir komið inn í liðið á undanförnum 18 mánuðum.

Arsenal eyddi hátt í 150 milljónum punda í leikmannakaup í sumar, meira en nokkurt annað lið í enskt lið og Edu, yfirmaður knattspyrnumála hjá félaginu, sagði í byrjun mánaðar að kaupin hefðu mikið með framtíðaráfrom félagsins að gera.

„Við keyptum sex leikmenn sem eru yngri 23 ára, sem hefur mikið með framtíðaráform okkar að gera. Við fórum að undirbúa leikmannahópinn fyrir ári síðan til að þétta hópinn og reyna að koma á fót sterkari stoðum. Við þurfum að koma meira jafnvægi í liðið,“ sagði Edu.

Hér að neðan má sjá hvað byrjunarlið Arsenal hefur breyst mikið á undanförnum 18 mánuðum. Aðeins tveir leikmenn sem byrjuðu leik Arsenal gegn Burnley um helgina voru í byrjunarliðinu gegn sama liði í febrúar 2020.