Tveimur leikjum er nýlokið í Lengjudeild karla. Leikið var í 16. umferð.

ÍBV með gríðarlega mikilvægan sigur

ÍBV heimsótti Kórdrengi í stórleik. Eyjamenn fóru með mjög mikilvægan sigur af hólmi.

Fyrri hálfleikur var fremur lokaður. Markalaust var eftir hann.

Á 54. mínútu kom Sito gestunum yfir. Það reyndist eina mark leiksins.

ÍBV er í öðru sæti deildarinnar, nú með 7 stiga forskot á Kórdrengi. Þeir eiga þó leik til góða.

Fyrsti sigur Víkings Ó. staðreynd

Víkingur Ólafsvík vann sinn fyrsta sigur í deildinni í ár á útivelli gegn Þór.

Bjartur Bjarmi Barkarson kom gestunum yfir eftir hálftíma leik.

Á 64. mínútu tvöfaldaði Kareem Isiaka forystu Víkinga. Lokatölur 0-2.

Víkingar eru enn límdir við botn deildarinnar. Nú hafa þeir 5 stig. 10 stig eru upp í Selfoss í öruggu sæti. Ólsarar eiga þó leik til góða.

Þór er í áttunda sæti með 19 stig.