Christian Eriksen hefur verið útskrifaður af ríkisspítalanum í Kaupmannahöfn. Þar hefur hann verið frá því hann hneig niður í leik Dana og Finna á laugardag.
Flestir vita hvað gerðist á Parken á laugardag. Það var á 40. mínútu leiksins sem Eriksen hneig til jarðar og leikur var stöðvaður. Hjarta hans stöðvaðist en til allrar hamingju tókst bráðaliðum að koma því aftur í gang.
Eriksen var útskrifaður af spítalanum í dag. Hann fór í kjölfarið og hitti liðsfélaga sína þar sem þeir æfa í Helsingör. Eriksen mun svo eyða tíma með fjölskyldu sinni næstu daga.
Danska knattspyrnusambandið sendi frá sér yfirlýsingu í dag. Þar mátti sjá skilaboð frá Eriksen.
,,Takk fyrir allar kveðjurnar, það hefur verið ótrúlegt að sjá þær,“ var á meðal þess sem hann sagði. Þá tók hann einnig fram að nú myndi hann styðja liðsfélaga sína. ,,Það þarf varla að taka fram að ég mun styðja liðið á mánudag gegn Rússlandi.“
Yfirlýsingu danska knattspyrnusambandsins og Eriksen má sjá hér fyrir neðan.
Christian Eriksen has been discharged from the hospital. More here ⬇️#ForDanmark pic.twitter.com/jzF338XiC1
— DBU – En Del Af Noget Større (@DBUfodbold) June 18, 2021
