KSÍ og Þórður Þórðarson landsliðsþjálfari U19 kvenna hafa komist að samkomulagi um starfslok hans með U19 liðið.
Þórður hefur stýrt U19 liði kvenna við góðan orðstír í 46 leikjum frá árinu 2015. U19 kvenna æfir dagana 7.-10. júní á Selfossi og hafa 22 leikmenn frá 12 félögum verið boðaðir til æfinganna, sem eru hluti af undirbúningi fyrir undankeppni EM 22/23 sem hefst í haust. Þórður mun stýra æfingunum og ljúka störfum í lok júnímánaðar.
„KSÍ óskar Þórði alls hins besta og velfarnaðar í næstu verkefnum,“ segir á vef KSÍ
