Tómas Þór Þórðarson ritstjóri enska boltans hjá Símanum var staddur á Old Trafford í gær þar sem Michael Carrick kvaddi Manchester United eftir 15 ár hjá félaginu. Carrick hafði stýrt United í þremur leikjum eftir að Ole Gunnar Solskjær var rekinn úr starfi.
Carrick endaði dvöl sína hjá United með því að stýra liðinu til 3-2 sigurs gegn Arsenal á heimavelli. Carrick átti farsælan feril sem leikmaður áður en hann fór út í þjálfun.
Tómas Þór hitti Carrick skömmu eftir að greint var frá því að hann hefði ákveðið að hætta störfum hjá félaginu.
Carrick stóð til boða að vera í þjálfarateymi Ralf Ragnick en hann hafði ekki áhuga á því.
Viðtalið sem Tómas tók við Carrick er hér að neðan.
Michael Carrick kvaddi Man utd með sigri í kvöld og ræddi endalokin við @tomthordarson á Síminn Sport. pic.twitter.com/gsLwQcdW77
— Síminn (@siminn) December 2, 2021
