Íslenska landsliðið í knattspyrnu hefur lokið leik á árinu, liðinu gekk vægast sagt ill í undankeppni Heimsmeistaramótsins og endaði í næst neðsta sæti. Liðið vann aðeins Liechtenstein í tíu leikjum.

Þegar riðilinn fór af stað í mars benti allt til þess að íslenska liðið gætti að geta keppt um annað sæti riðilsins. Aðeins Þýskaland átti að vera óvinnandi vígi. Allt fór hins vegar á versta veg bæði innan sem utan vallar.

„Þetta var ekki gott, það voru 500 vindstig í andlitið á þessu liði. Það gustað mikið, það hefur lítið verið rætt um fótboltann. Ein tölfræði vakti athygli sem er fjöldi leikmanna sem tóku þátt,“ sagði Benedikt Bóas Hinriksson blaðamaður á Fréttablaðinu í sjónvarpsþætti okkar á Hringbraut í gær.

Arnar Þór Viðarsson þjálfari liðsins notaði 36 leikmenn í tíu leikjum sem er met hjá íslensku landsliði í einni undankeppni. Fyrra met var sett árið 2010 og 2011 þegar Ólafur Jóhannesson notaði 34 leikmenn, Ólafur missti hins vegar hálft liðið sitt þegar Geir Þorsteinsson lét U21 árs landsliðið ganga fyrir.

„Ég hef verið á vagninum um að Arnar Þór Viðarsson sé ekki rétti maðurinn í starfið, ég er til í að gefa honum eina undankeppni,“ sagði Benedikt um stöðu þjálfarans.

„Ég vil losna við hann, hann er frábær á skrifstofunni en skelfilegur á hliðarlínunni,“ sagði Benedikt.

Umræðan er í heild hér að neðan.