Crystal Palace tók á móti Tottenham í 4. umferð ensku úrvalsdeildarinnar í knattspyrnu. Leiknum lauk með 3-0 sigri Crystal Palace og er þetta þeirra fyrsti sigur á tímabilinu.
Tottenham hafði byrjað tímabilið af krafti og unnið fyrstu þrjá leikina. Tottenham byrjaði leikinn vel en náðu ekki að ógna marki heimamanna og leikmenn Crystal Palace unnu sig hægt og rólega inn í leikinn og voru Zaha og Gallagher hættulegir fram á við.
Þegar um klukkustund var liðin af leiknum fékk Tanganga sitt annað gula spjald og þar af leiðandi rautt spjald. Á 75. mínútu dró til tíðinda er Crystal Palace fékk vítaspyrnu en boltinn fór í hendina á Davies. Zaha tók spyrnuna og sendi Lloris í öfugt horn. Edouard tvöfaldaði forystu Palace aðeins átta mínútum síðar og skoraði þriðja markið í uppbótartíma en þetta var hans fyrsti leikur fyrir félagið. Hann var keyptur á lokadegi félagsskiptagluggans frá Celtic.
Crystal Palace 3 – 0 Tottenham
1-0 W. Zaha (´76)
2-0 O. Édouard (´84)
3-0 O. Édouard (´93)
Tanganga rautt spjald (´59)
There’s your Palace. #CPFC | #CRYTOT pic.twitter.com/83Rcjd6T4x
— Crystal Palace F.C. (@CPFC) September 11, 2021
