Arnar Þór Viðarsson hefur tekið þá ákvörðun um að Lars Lagerback verði ekki áfram í þjálfarateymi félagsins. Lagerback var ráðinn til starfa í upphafi árs.

Lagerback átti að vera í þjálfarateymi Arnars og mætti í verkefni liðsins í mars, nú er ljóst að hann stígur til hliðar en áfram er hægt að leita á ráð hans.

„Við lögðum af stað í þetta verkefni með Lars og Lars fór fram á það frá byrjun að þetta væri eitthvað sem gæti gengið til baka. Það væri bara hvernig við myndum upplifa verkefnið, það voru ákveðnir hlutir í mars verkefninu sem voru ekki í lagi. Mannleg tenging var mjög góð. Á undanförnum vikum tók þá ákvörðun að Lars væri ekki með okkur í teyminu,“ sagði Arnar Þór

„Við gengum ganga að hans hjálp, hann var jákvæður og skilningsríkur þegar ég sagði honum frá þessu. Ég þarf að taka þetta á mínum forsendum og án hans.“

Arnar þvertekur fyrir að Lagerback hafi verið rekinn úr starfi en hann mun aðstoða ef þörf krefur.

„Honum var ekki sagt upp, það var alltaf ætlunin að fara inn í þetta með opnum huga. Hann er okkur til aðstoðar og við getum alltaf leitað til hans. Það er ekki hægt að tala um að mönnum sé sagt upp.“