Jordan Henderson, fyrirliði Liverpool, hefur birt yfirlýsingu á Twitter. Þar talar hann, fyrir sína hönd og liðsfélaga sinna, gegn hugmyndinni um evrópska ofurdeild.
Tilkynnt var um fyrirhugaða ofurdeild af 12 stórliðum Evrópu á sunnudag. Það vakti hörð viðbrögð og nú virðist aðeins tímaspursmál um hvenær það verður endanlega staðfest að ekkert verði af deildinni.
Henderson kallaði fyrirliða þeirra 6 ensku liða sem ætluðu sér að taka þátt í ofurdeildinni á neyðarfund í dag. Miðað við færslu hans á Twitter er óánægja á meðal leikmanna gagnvart deildinni.
,,Okkur líkar ekki við þetta (ofurdeildina) og viljum ekki að það verði af þessu. Þetta er okkar sameiginlega ákvörðun. Skuldbinding okkar til félagsins og stuðningsmenn er skilyrðislaus,“ skrifaði Henderson.
— Jordan Henderson (@JHenderson) April 20, 2021
Kevin De Bruyne, leikmaður Manchester City, birti einnig færslu tengda ofurdeildinni í dag.
— Kevin De Bruyne (@DeBruyneKev) April 20, 2021
