Manchester United tryggði sér í kvöld sæti í undanúrslitum Evrópudeildarinnar með samanlögðum 4-0 sigri á spænska liðinu Granada í 8-liða úrslitum.
Bruno Fernandes, miðjumaður Manchester United, var ánægður með spilamennsku liðsins í leiknum.
„Þetta var góður leikur hjá okkur. Það er alltaf erfitt að spila í Evrópudeildinni, það skiptir ekki máli hverjum þú ert að keppa á móti. Við vissum að Granada byggi yfir gæðamiklum leikmönnum.“
„Við gerðum mjög vel, stjórnuðum leiknum og vorum mikið með boltann. Færslur með bolta voru góðar, úrslitin sýna það.“
„Nú er kominn tími á að taka næsta skref og vinna undanúrslitin, þangað til þurfum við að einblína á ensku úrvalsdeildina.“
Manchester United mætir ítalska liðinu Roma í undanúrslitum.
„Öll lið munu valda þér vandræðum. Þeir eru vel skipulagðir varnarlega og geta skapað hættuleg færi fram á við. Nokkrir af leikmönnum þeirra hafa spilað í Englandi og við vitum hvers er ætlast af okkur. Ef við gerum hlutina vel þá munum við fá færi til þess að vinna leikinn,“ sagði Bruno Fernandes, leikmaður Manchester United.
