Þeir Alan Shearer og Micah Richards, sérfræðingar BBC um ensku úrvalsdeildina fengu það verkefni í hlaðvarpsþættinum Match of the Day: Top 10 frá Gary Lineker, að koma með lista yfir 10 bestu framherjapörin í sögu úrvalsdeildarinnar.

Þá var ekki aðeins verið að leita eftir fjölda skoraðra marka heldur þurftu framherjapörin að „búa yfir öllu“ því sem góð framherjapör þurfa að búa yfir.

Að mati tvíeykisins voru Eiður Smári Guðjohnsen og Jimmy Floyd Hasselbaink, sem voru liðsfélagar hjá Chelsea á sínum tíma, eitt af tíu bestu framherjapörunum í sögu ensku úrvalsdeildarinnar.

„Þetta var samstarf þar sem þeir skildu báðir hvað hinn aðilinn vildi, þeir voru snöggir og snjallir. Guðjohnsen gat komið djúpt og tengt saman spil miðjumannanna við sóknarlínuna. Hasselbaink var sterkur og gat haldið mönnum fyrir aftan sig, svo ég tali nú ekki um skotin hans. Hann var með risastór læri. Þeir eiga báðir að baki langan feril saman og skildu hvorn annan mjög vel,“ sagði Alan Shearer um samvinnu Eiðs Smára og Hasselbaink.

Eiður Smári og Hasselbaink spiluðu saman hjá Chelsea á árunum 2000-2004. Á þeim tíma skoraði Eiður Smári, 40 mörk í ensku úrvalsdeildinni, Hasselbaink skoraði 69 mörk.

Með samvinnu sinni voru mörkin sem spruttu upp eingöngu með samvinnu Eiðs Smára og Hasselbaink, 13 talsins.

Topp 10 lista Shearer og Richards um bestu framherjapör ensku úrvalsdeildarinnar má sjá hér.