Miðjumaðurinn Guðjón Pétur Lýðsson hefur skrifað undir tveggja ára samning við ÍBV. Þetta kemur fram á heimasíðu félagsins.
Guðjón Pétur, sem er 33 ára gamall, kemur til liðsins frá Breiðablik en hann lék með Stjörnunni á láni síðasta sumar. Þar spilaði hann 14 leiki. Hann mun nú taka slaginn í næstefstu deild.
Talið er að Fram, sem spilar í sömu deild og ÍBV, hafi einnig haft áhuga á að fá leikmanninn í sínar raðir.
Guðjón hefur orðið Íslandsmeistari með Val og einnig leikið sem atvinnumaður í Svíþjóð, svo eitthvað sé nefnt.
Eyjamenn bjóða leikmanninn innilega velkominn á heimasíðu sinni.
