Fimm leikmenn Leicester City eru sagðir hafa farið í heimapartý í aðdraganda leik liðsins gegn West Ham sem fram fór í dag. Leicester tapaði leiknum 3-2.

Meðal þeirra leikmanna sem eru sagði hafa farið í heimapartý og hunsað sóttvarnaraðgerðir sem voru settar á vegna Covid-19 faraldursins eru þeir James Maddison, Hamza Choudhury og Ayoze Perez. Enginn af þeim var í leikmannahópi Leicester City í dag.

Talsmaður frá Leicester City hefur tjáð sig um sögusagnirnar sem fóru að ganga í breskum fjölmiðlum í dag.

„Félagið hefur gert leikmönnum og öðru starfsfólki það fyllilega ljóst hvers er ætlast af þeim hvað varðar hegðun og aðgerðir til að minnka líkurnar á Covid-19 smitum. Það eru því vonbrigði að hafa fengið af því fregnir að leikmenn hafi brotið reglur,“ sagði talsmaður Leicester City.