Í kvöld tók Fulham á móti Wolves í 31. umferð ensku úrvalsdeildarinnar á Craven Cottage. Adama Traoré skoraði eina mark leiksins í uppbótartíma með frábæru skoti.
Bæði lið spiluðu fyrri hálfleik varfærnislega og þurftu markmenn liðanna ekki að verja skot í hálfleiknum. Í uppbótartíma fyrri hálfleiks skoraði Willian Jose mark en VAR dæmdi það af eftir afar tæpa rangstöðu, leikmönum Wolves til mikils ama. Rangstöðuna má sjá hér að neðan.
🤷♂️👀 pic.twitter.com/SxzCsYAGwK
— SPORTbible (@sportbible) April 9, 2021
Í síðari hálfleik blésu leikmenn Fulham til sóknar og áttu 11 skot að marki enda þurfti liðið sigur til að halda sér uppi. Það gekk ekki upp í dag þar sem vöðvabúntið Adama Traoré kom Wolves í 0-1 með frábæru skoti í nærhornið í uppbótartíma eftir góðan sprett.
Eftir leikinn er Wolves í 12. sæti en Fulham er enn í fallsæti, þremur stigum á eftir Newcastle sem eiga tvo leiki til góða.
