Allt stefnir í að Sævar Atli Magnússon fyrirliði Leiknis muni ganga í raðir Breiðabliks. Þetta herma heimildir 433.is.
Sævar Atli sást í Smáranum fyrr í dag og telur heimildarmaður 433.is að hann hafi verið þangað mættur til að skrifa undir.
Sævar mun hins vegar klára tímabilið með Leikni en Breiðablik kaupir hann frá félaginu, samningur Sævars átti að renna út næsta haust.
Sævar Atli er tvítugur sóknarmaður sem var frábær þegar Leiknir komst upp úr Lengjudeildini síðasta haust, öll stærstu lið efstu deildar hafa reynt að sannfæra hann síðustu daga.
Sævar skoraði þrettán mörk og var í stóru hlutverki þegar Leiknir fór upp úr Lengjudeildinni í fyrra, hann hefur síðan raðað inn mörkum í vetur.
