Noel Gallagher annar af Oasis bræðrunum er ekki mjög hrifinn af umræðunni um það að Liverpool hafi verið besta lið Englands síðustu ár, hann gefur lítið fyrir slíkar fullyrðingar.
Liverpool vann ensku úrvalsdeildina á síðustu leiktíð en liðið hefur misst flugið á þessu tímabili, liðið er nú tíu stigum á eftir toppliði Manchester City.
„Það eina sem ég hef heyrt síðustu 48 klukkustundirnar er að Liverpool hafi verið besta lið Englands í fjögur ár, að það kæmi alltaf smá niðursveifla,“ sagði Gallagher.
Gallagher segir að Liverpool hafi aðeins unnið einn bikar á Englandi í gegnum sín bestu ár, það sé ekki svo merkilegt í hans bókum.
„Þeir hljóta þá að hafa unnið fjöldann allan af tittlum á Englandi en ég get bara telið einn. Því er þá haldið fram að City hafi verið næst besta lið Englands síðustu fjögur árin, ég mundi eftir sex titlum þegar ég hætti að telja. Ég nennti ekki að telja meira.“
„Ég veit ekki hvar öll þessi vitleysa verður til. Liverpool eyddi bestu árunum sínum að komast að toppnum en núna eru þeir búnir að vera.“
