Burnley tók á móti Bournemouth í 5. umferð enska bikarsins í kvöld. Leikurinn endaði með 2-0 sigri Bournemouth en leikið var á heimavelli Burnley, Turf Moor.
Jóhann Berg Guðmundsson var í byrjunarliði Burnley og lék 74 mínútur í kvöld.
Fyrsta mark leiksins kom á 21. mínútu, það skoraði Sam Surridge, leikmaður Bournemouth eftir stoðsendingu frá Jack Stacey.
Junior Stanislas innsiglaði síðan 2-0 sigur Bournemouth með marki úr vítaspyrnu á 88. mínútu.
Sigur Bournemouth þýðir það að liðið er komið áfram í næstu umferð enska bikarsins, Burnley er úr leik.
Burnley 0 – 2 Bournemouth
0-1 Sam Surridge (’21)
0-2 Junior Stanislas (’88, víti)
