Jim Gannon þjálfari Stockport County sem mætti West Ham í kvöld hefur ítrekað neitað að koma í viðtal hjá sjónvarpsstöðinni Sky vegna atviks sem gerðist fyrir þó nokkrum árum.
Jim lenti í því leiðinlega atviki að afruglari hans frá Sky bilaði og enginn kom til að laga afruglarann síðan þá hefur hann verið í fýlu við sjónvarpsstöðina.
Í hlaðvarpinu “ I had trials once“ greinir Dickinson fyrrum leikmaður Stockport frá því þegar að liðið komst upp í League One á englandi hafi Gannon neitað að fara í viðtal við Sky vegna málsins og að hann hafi neitað að fara í viðtöl hjá þeim í níu mánuði en fyrirgaf þeim á endanum og mætti í viðtal.
„Hann neitaði að fara í viðtal við Sky vegna þess að þeir komu ekki að laga afruglarann hans, kostaði ábyggilega liðið nokkur þúsund pund því hann var skuldbundinn því að mæta í viðtöl hjá Sky, ég sver upp á líf mitt þetta er satt“ segir Dickinson.
Stockport tapaði naumlega 1-0 fyrir West Ham í þriðju umferð FA bikarsins en leikurinn endaði rétt í þessu og mætti Gannon í viðtal eftir leik, ætli afruglarinn sé kominn í lag?
Did you know Stockport County manager Jim Gannon refuses to do interviews with Sky because they didn't fix his broken Sky TV box. What a man…😂 pic.twitter.com/4twbkN9ipS
— BenchWarmers (@BeWarmers) January 11, 2021
