Þema blaðsins er aktívismi en Rashford hefur verið afar duglegur undanfarið þegar kemur að því. Á meðan kórónuveiran lokaði öllum skólum í Bretlandi fór Rashford að sjá til þess að börn yrðu ekki svöng þegar þau gátu ekki farið í skólann og fengið mat. Mörg börn í Bretlandi treysta á heita máltíð í skólanum en Rashford safnaði 20 milljónum punda til að fæða börn sem ekki eiga vel stæða foreldra.
Rashford sjálfur kemur af heimili þar sem lítið var um fjármuni og mamma hans þurfti að berjast við því að Manchester United tæki hann ári fyrr inn í félagið. „Ríkisstjórnin hefur gert allt til þess að bjarga efnahagmálum þjóðarinnar, í dag bið ég ykkur um að ganga lengra og halda utan um öll börn sem eru í vandræðum,“ skrifaði Rashford í opnu bréti til embætismanna og það bar árangur.
Í samtali við Vogue sagði Rashford hvers vegna hann er að standa í þessu. „Ég er með engu móti einhver stjórnmálamaður en ég er með mína rödd og mín áhrif sem hægt er að nota á þennan hátt. Ef ég myndi ekki taka af skarið og segja þegar eitthvað er ekki í lagi þá væri ég að bregðast sjálfum mér.“
Hér fyrir neðan má sjá forsíðu tímaritsins sem um ræðir en fyrirsætan Adwoa Aboah er með Rashford á forsíðunni. Aboah er líka aktívisti en hún hefur verið að berjast fyrir bættri geðheilsu og geðheilbrigði.
