Allir leikmenn í efstu deild karla og kvenna hafa fengið boð um að mæta í skimun vegna kórónuveirunnar. Mbl.is segir frá. Íslensk erfðagreining mun framkvæma þessa skimun.

„Ástæðan fyr­ir því að þessi hóp­ur er val­inn er ald­urs­dreif­ing og að dæm­in sanna að þetta er ald­ur sem á sam­skipti við marga. Niður­stöður úr þess­ari skimun verða því mjög gagn­leg­ar,“ segir í bréfi Víðis Reynissonar til félaga í landinu.

Þrjú staðfest smit eru á meðal liða í efstu deild á Íslandi. Í gær greindist leikmaður kvennaliðs Fylkis með COVID-19.

Umræddur leikmaður var gestur í útskriftarveislu fyrir rúmri viku en frá þeirri veislu hafa nú fjögur smit greinst. Fyrst greindist leikmaður kvennaliðs Breiðabliks um miðja vikuna.

Leikmaður í meistaraflokki karla Stjörnunnar greindist svo með smit á föstudag en hann var einnig gestur í sömu veislu. Starfsmaður at­vinnu­vega- og ný­sköp­un­ar­ráðuneyt­is­ins greind­ist einnig með veiruna.