Robin van Persie, fyrrum framherji Manchester United hefur ráðlagt Ole Gunnar Solskjær að taka Edinson Cavani í sumar frá PSG.

Samningur Cavani við PSG er á enda í sumar og er ljóst að hann fer í sumar, Atletico Madrid hefur mikinn áhuga á þessum 33 ára framherja.

,,Ég myndi taka Cavani, það er ekki spurning,“ sagði Van Persie þegar hann var spurður að því hvaða framherja Solskjær ætti að taka í sumar.

,,Hann er í góðu formi, hefur sannað sig sem markaskorari, hann er markavél. Hann hefur sannað sig hjá Napoli, PSG og Úrúgvæ.“

,,Ef hann byrjar flesta leiki, þá eru það örugg 25 mörk á tímabili. Ég hef horft á hann spila, spilað gegn honum. Hann er markaskorari.“

,,Hann lifir fyrir það að skora mörk, ég myndi keyra á það að sækja Cavani.“