Harry Maguire, fyrirliði Manchester United, er ánægður með ákvörðun Anthony Taylor í leik gegn Chelsea.
Margir vildu meina að Maguire hafi átt skilið rautt spjald í fyrri hálfleik fyrir að sparka í Michy Batshyayi.
Maguire segir þó að hann hafi beygt löppina til að stoppa Batshuayi frá því að detta ofan á sig.
,,Ég get séð hvernig fólk horfir á þetta og ég veit að ég hitti í hann en þetta voru mín náttúrulegu viðbrögð því ég hélt að hann myndi detta á mig,“ sagði Maguire.
,,Þetta lítur mun verr út í sjónvarpinu en viðbrögðin voru eðlileg. Ég var ekki að reyna að sparka í hann, ég hélt að hann myndi detta á mig.“
