fbpx
Laugardagur 16.janúar 2021
433Sport

Stelpurnar flúðu Skessuna vegna kulda: Kristján Óli segir málið lykta af spillingu

Hörður Snævar Jónsson
Mánudaginn 23. nóvember 2020 13:45

Ekki missa af Helstu tíðindum dagsins í pósthólfið þitt

Lesa nánar

A-landslið kvenna þurfti að færa æfingar sínar úr Skessunni í Hafnarfirði í síðustu viku vegna kulda. Þjálfarateymi liðsins taldi meiðslahættuna í knatthúsi FH-inga of mikla, æfingar voru færðar í Fífuna í Kópavogi sem er upphitað hús.

Skessan var tekinn í notkun í Hafnarfirði á síðasta ári og voru allar æfingar yngri landsliða Íslands færðar þangað. Margir hafa viljað tengja það við Arnar Þór Viðarsson, yfirmann knattspyrnumála hjá KSÍ og tengsl hans við FH. 433.is leitaði svara hjá KSÍ vegna málsins í fyrra. ,,Við breyttum fyrirkomulagi æfinga og æfum núna á virkum dögum í samvinnu við skólana. Með þessu móti æfum við á betri tímum, náum fleiri æfingum yfir veturinn, faglegri umgjörð (fundir, fyrirlestrar, matur …),“ sagði Klara Bjartmarz, framkvæmdarstjóri KSÍ í skriflegu svari við fyrirspurn okkar.

Þó Skessan sé fullbúið knatthús er það ekki upphitað, þegar kalt er í veðri verður kuldinn þar oft mikill. „Það var ein æfing eða tvær sem voru bara færðar vegna kulda. Við gátum komist inn í Fífuna,“ sagði Þorvaldur Ingimundarson sem sér um mál A-landsliðs kvenna hjá KSÍ um ástæðu þess að A-landsliðs kvenna færði æfingar sínar.

Meira:
Fleiri æfingar og faglegri umgjörð ástæða þess að KSÍ fór með allar æfingar til FH

Kristján Óli til vinstri á þessari mynd.

Kristján Óli segir vinnubrögðin ekki fagleg:

Þetta mál var til umræðu í hlaðvarpsþættinum Dr. Football þar sem Kristján Óli Sigurðsson sagði fyrst frá því að æfingar A-landsliðs kvenna hefðu verið færðar. „Versta er hvernig sambandið fer með æfingatímana sem þeir leigja. A-landslið kvenna var að undirbúa sig fyrir síðustu leikina í undankeppninni. Arnar Þór Viðarsson (Yfirmaður knattspyrnumála), ákvað að segja upp samningi í Kórnum fyrir öll yngri landslið og A-landslið og færa tímana yfir í frystikistuna í Hafnarfirði, tjaldið sem þeir hafa reist,“ sagði Kristján Óli nokkuð ómyrkur í máli en A-landslið kvenna er nú komið út fyrir leikina mikilvægu í undankeppni EM.

„Kvennalandsliðið var þar í síðust viku og flúði, alltof kalt og mikil meiðslahætta. Þetta heitir á hreinni íslensku, spilling. Að færa landsliðsæfingar úr 100 prósent aðstöðu í eitthvað tjald.“

Kristján Óli segir að þjálfarar yngri landsliða séu ekki sáttir með þessa breytingu. „Þetta eru ekki fagleg vinnubrögð, þjálfarar yngri landsliða eru brjálaðir.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 20 klukkutímum

Ronaldo í algjörum sérflokki – Sjáðu hvað hann þénar á ári

Ronaldo í algjörum sérflokki – Sjáðu hvað hann þénar á ári
433Sport
Fyrir 21 klukkutímum

Rooney leggur skóna á hilluna og tekur starfið – Magnaður ferill á enda

Rooney leggur skóna á hilluna og tekur starfið – Magnaður ferill á enda
433Sport
Í gær

Carragher segir alla pressuna vera á Liverpool um helgina

Carragher segir alla pressuna vera á Liverpool um helgina
433Sport
Í gær

Arsenal skoðar markvörð Barcelona til að fylla skarð Rúnars

Arsenal skoðar markvörð Barcelona til að fylla skarð Rúnars
433Sport
Í gær

Erfitt fyrir leikmenn að fagna ekki mörkum saman – „Reyndu að biðja stuðningsmann um að sitja í sófanum þegar liðið hans skorar“

Erfitt fyrir leikmenn að fagna ekki mörkum saman – „Reyndu að biðja stuðningsmann um að sitja í sófanum þegar liðið hans skorar“
433Sport
Í gær

Myndir af knattspyrnustjórum ensku úrvalsdeildarinnar vekja mikla athygli á Twitter

Myndir af knattspyrnustjórum ensku úrvalsdeildarinnar vekja mikla athygli á Twitter
433Sport
Í gær

Aron segir leikmenn Íslands hungraða í að komast á stórmót – „Vita að þetta gæti verið okkar síðasta tækifæri“

Aron segir leikmenn Íslands hungraða í að komast á stórmót – „Vita að þetta gæti verið okkar síðasta tækifæri“
433Sport
Í gær

Dómarar Ensku úrvalsdeildarinnar: „Við viljum 2 metra reglu“

Dómarar Ensku úrvalsdeildarinnar: „Við viljum 2 metra reglu“