Áföllin halda áfram að herja á herbúðir Liverpool en Mo Salah hefur nú greinst með COVID-19 veiruna. Þetta staðfestir landslið hans Egyptaland.

Veiran greindist í Salah þegar Egyptar eru nú í verkefni og hefur hann verið sendir í einangrun.

Thiago Alcantara, Sadio Mane og fleiri leikmenn Liverpool hafa áður greinst með veiruna.

Þá herja meiðsli á félagið en Joe Gomez varnarmaður Liverpool fór í aðgerð á hné í gær vegna meiðsla sem hann varð fyrir á æfingu enska landsliðsins í fyrradag.

Um er að ræða sinar í hné sem eru í kringum hnéskel hjá varnarmanninum. Óvíst er hvort hann geti spilað aftur á þessu tímabili. Liverpool segir í yfirlýsingu að engin skaði hafi orðið á liðböndum hjá Gomez. Varnarmaðurinn verður í spelku í 2-3 mánuði til að hjálpa við bataferlið en Liverpool útilokar ekki að Gomez geti spilað í lok leiktíðar.

Áður hafði Liverpool misst Virgil van Dijk í meiðsli og spilar hann ekki fleiri leiki á þessu tímabili.