Bambo Diaby varnarmaður Barnsley í næst efstu deild Englands hefur verið settur í tveggja ára bann frá knattspyrnu eftir að hafa notað ólögleg efni.

Barnsley hefur ákveðið að rifta samningi Diaby enda ljóst að enginn not verða fyrir hann á næstunni.

Í nóvember á síðasta ári var Diaby tekinn í lyfjapróf eftir leik gegn Blackburn, Higenamine efnið fannst í þvagi frá honum. Efnið hjálpar þér að brenna fitu og er á bannlista.

Diaby var settur í tímabundið bann í janúar og hefur nú verið úrskurðaður í tveggja ára bann af enska knattspyrnusambandinu.

Bannið telur frá 16 janúar þegar Diaby var settur í tímabundið bann á meðan málið var til rannsóknar.

Diaby er ekki fyrsti knattspyrnumaðurinn sem er settur í bann fyrir að taka lyf sem eiga að grenna þig en Kolo Toure fyrrum varnarmaður Liverpool og Manchester City lenti í því sama.