Jadon Sancho kantmaður Borussia Dortmund er sagður setja mikinn þunga á forráðamenn Dortmund og umboðsmann sinn um að koma sér til Manchester United áður en félagaskiptaglugginn lokar.
Sancho hefur fram til mánudags til að komast til United en félögin hafa átt í samskiptum í vikunni. Í öðrum fréttum kemur fram að Dortmund sé nú tilbúið að selja Sancho fyrir 95 milljónir punda.
Vakin er svo athygli á því nú síðdegis að Sancho var hvergi sjáanlegur á æfingasvæði Dortmund í dag, allir leikmenn fyrir utan Sancho mættu í kórónuveirupróf en ekki Sancho.
Því er haldið fram að auknar líkur séu nú á því að Sancho hafi spilað sinn síðasta leik fyrir Dortmund og muni ganga í raðir United.
United bauð 91 milljón punda í upphafi vikunnar en þá kvaðst Dortmund standa fast á 108 milljóna punda verðmiða sínum.
