Javier Ribelles leikmaður Gimnastic á Spáni fékk hárblásara frá Lionel Messi leikmanni Barcelona í æfingaleik liðanna í gær.
Börsungar unnu 3-1 sigur en þetta var fyrsti leikur Messi með Barcelona eftir verkfall hans á dögunum. Messi mætti ekki til æfinga á meðan hann reyndi að losna frá félaginu, hann gafst að lokum upp.
Messi spilaði 45 mínútur í 3-1 sigrinum en en Gimnastic leikur í þriðju efstu deild. Hann var hins vegar ekki sáttur með Ribelles.
Miðjumaður Gimnastic var duglegur að sparka í Messi í leiknum. „Hvað ertu að gera fáviti?,“ öskraði Messi á Ribelles.
,,Viltu hætta að sparka í mig rasshaus,“ sagði Messi enn fremur en Ribelles tjáði Messi að þetta væri hans eins vopn til að stoppa hann.
